Visar Ymeri, Kryetar i VV-së
Ymeri: Edhe Buxheti 2018 si të Tjerët – i Asfaltit
Gjatë debatit për projektbuxhetin e vitit 2018 në Kuvendin e Kosovës, deputeti i Lëvizjes Vetëvendosje Visar Ymeri tha se nuk duhet të jesh ekspert i ekonomisë që ta dish që ky buxhet do ta ketë fatin e njëjtë me buxhetin e kaluar.
“Krejt çka kjo Qeveri ka nxjerrë, njësoj si ato të kaluarat, është asfalt”, tha Ymeri.
“Si buxhet mund të kuptohet si tendencë ë akomodimit të interesave të të gjithë partnerëve të koalicionit”, shtoi ai.
Ky vit do të duhej të shënohet si rrënim i institucioneve publike, theksoi deputeti i VV-së.
“Vetëvendosje mendon se duhet të ndalet kjo logjikë qeverisëse dhe do ta votojmë këtë buxhet kundër”, theksoi ai.
Gjatë prezantimit të Projektbuxhetit 2018, ministri i Financave tha se në vitin e ardhshëm rritja ekonomike e Kosovës do të jetë 4.6 për qind.
KALLXO.com është duke e transmetuar LIVE seancën e sotme të Kuvendit.