Qendra Korrektuese e Lipjanit - Foto: KALLXO.com
Vizitorit në Burg iu Gjet Drogë
22.5.2017 - 11:43
Sipas raportit të Policisë, ngjarja ka ndodhur dje rreth orës 15:35 në Qendrën e Paraburgimit në Lipjan.
Policia thotë se gjatë kontrollit nga oficerët korrektues të dyshuarit i është gjetur një sasi prej dy gramësh narkotik.
Në raportin e përditshëm të Policisë thuhet se i dyshuari këtë sasi droge kishte qëllim t’ia dërgonte vëllait të tij i cili gjendet në vuajtje të dënimit.
Substanca narkotike është konfiskuar ndërsa i dyshuari pas intervistës lirohet me urdhër të prokurorit kujdestar. Rasti shkon në procedurë të rregullt.
Ky rast nga Policia po trajtohet si posedim i substancave narkotike.