Ilustrim - Policia e Kosovës në aksion - Foto: KALLXO.com
Vdes Këmbësori Pasi Goditet Nga Vetura
12.4.2018 - 10:12
Një person ka vdekur pasi është goditur nga një veturë.
Policia me anë të raportit të saj ditor ka njoftuar se mbrëmë rreth orës 20:19 në fshatin Arllat, në magjistralen Prishtinë- Pejë, një veturë ka goditur një këmbësor.
Viktima sipas policisë ka mbetur i vdekur në vendngjarje.
Vdekjen e viktimës e ka konstatuar edhe mjeku kujdestar ndërsa trupi i tij është dërguar në Institutin e Mjekësisë Ligjore për obduksion.
I dyshuari është arrestuar dhe është dërguar në mbajtje.