Prishtina vlon nga i nxehti: Fotografi nga qendra e Prishtinës

Fillimi i muajit korrik në Kosovë është shoqëruar me temperatura të larta, Instituti Hidrometeorologjik i Kosovës ka njoftuar se 5 ditët e para të këtij muaji do të jenë të nxehta dhe temperaturat do ta arrinë deri në 37 gradë Celcius.

“Sot në Kosovë do të mbajë mot kryesisht me diell, por pasdite me vranësira. Në disa pjesë të vendit, kryesisht në perëndim, qendër dhe veriperëndim priten reshje afatshkurta shiu të shoqëruara me shkarkime rrufesh”, njofton IHK.

Temperaturat minimale do të lëvizin ndërmjet 15-17 gradë celsius, ndërsa maksimalet e ditës parashihen të lëvizin ndërmjet 28-30 gradë celsius.

Do të fryjë erë nga drejtimi i verilindjes me shpejtësi 1-8m/s.

Nesër pritet gjatë ditës të jenë temperatura deri në 30 gradë celsius, të shtunën pritet që të ketë ulje të temperaturave në 29 gradë celsius,  ndërsa të dielën prap priten ngritje të temperaturave në 32 gradë celsius.