Diskutime gjatë pauzës në mes të prokurorit dhe të akuzuarit - Foto: KALLXO.com
Sot Gjykata Vendos për Limajn
Pas tetë vjetësh procedurë gjyqësore, sot në orën 14:00 do të bëhet shpallja e aktgjykimit ndaj tani më zëvendëskryeminitrit të Kosovës, Fatmir Limaj, truprojes së tij, Shpëtim Telakut, Endrit Shalës, biznesmenit Nexhat Krasniqi e Florim Zuka.
Limaj dhe të tjerët, në këtë proces gjyqësorë ngarkohen nga Prokuroria Speciale e Republikës së Kosovës për krim të organizuar, gjatë kohës sa Limaj ishte ministër i Ministrisë së Transportit në vitin 2008.
Caktimi i kësaj date është bërë më 9 nëntor nga trupi gjykues në krye me gjyqtaren e EULEX- it, Maria Tuma.
http://kallxo.com/24-nentor-shpallet-aktgjykimi-ndaj-fatmir-limajt/
Dy ditë më parë, mbrojtja kishte thënë fjalën përfundimtare, me ç’ rast edhe kanë kërkuar lirimin nga të gjitha pikat e akuzës së prokurorisë, kështu duke kërkuar nga trupi gjykues që të nxjerrë aktgjykim lirues.
Fatmir Limaj akuzohet për shpërdorim detyre dhe krim të organizuar.
Për të njëjtat vepra ngarkohen edhe Nexhat Krasniqi e Endrit Shala. Pjesë e gjykimit janë edhe Shpëtim Telaku e Florim Zuka.
Gjykimi lidhet me disa rrugë të asfaltuara në Komunën e Gjilanit.
Limaj këtë aktakuzë që nga EULEX-i quhet e konsoliduar pasi në të janë bashkuar rastet MTPT 1 dhe MTPT 2 më 30 tetor të vitit 2015 e cilësoi të ngritur me urdhër politik.
KALLXO.com ka raportuar në vazhdimësi për këtë proces gjyqësor. Raportet mund t’i gjeni në këtë link.
