Subjektet Politike Marrin Numrat e Tyre në Fletëvotim
Maj 23, 2014 – Të 30 subjektet politike pjesëmarrëse në zgjedhjet e parakohshme parlamentare të 8 qershorit kanë tërhequr sot numrat që do t’i bartin në fletëvotim. Subjektet radhiten në fletëvotim nga numri 31 deri në 60.
Komisioni Qendror i Zgjedhjeve ka hedhur sot shortin për radhitjen në fletëvotim të subjekteve politike që do të marrin pjesë në zgjedhjet e parakohshme parlamentare të 8 qershorit.
Ashtu si edhe në zgjedhjet e mëparshme, përfaqësues të subjekteve politike pjesëmarrëse kanë tërhequr numrat e tyre nga mikseri.
Fletëvotimi do të nisë me numrin rendor 31 dhe do të përfundojë me numrin 60.
Anëtari i KQZ-së, Betim Gjoshi, para se të nisë hedhja e shortit, ka thënë se renditja e subjekteve politike në fletëvotim paraqet një fazë të rëndësishme të përgatitjes së procesit zgjedhor.
“Pavarësisht afatit të shkurtër, ne po e përmbyllim këtë proces me sukses. Ne dhe subjektet politike bashkërisht do të kemi zgjedhje sipas standardeve ndërkombëtare”, tha Gjoshi.
Sipas tij, deri më tani, KQZ ka formuar Këshillat Komunale Zgjedhore në 38 komuna, ndërsa shumë shpejt pritet të emërohen edhe këshillat e vendvotimeve.
“Jemi të angazhuar maksimalisht që më 8 qershor, të gjithë qytetarët e Kosovës ta kenë ditë feste”, tha Gjoshi.
Kjo është renditja komplete e subjekteve politike në fletëvotim:
31. Partia Liberale Egjiptiane
32. Partia Demokratike e Ashkalive të Kosovës
33. Progresivna Demokratska Stranka
34. PREBK
35. Lëvizja Vetëvendosje
36. Koalicija Vatan
37. Partia e Fortë
38. Srpska Lista
39. Pokret za Demokratski Prosperitet
40. Aleanca Kosova e Re
41. Socijaldemokratija
42. Kosovaki Nevi Romani Partia
43. Bosnjacka Jedinstvena Lista
44. Aleanca për Ardhmërinë e Kosovës
45. Hasani Gashi
46. Nova Demokratska Stanka
47. Iniciativa e Re Demokratike e Kosovës
48. Koalicija za Gora
49. Partia e Ashkalive për Integrim
50. Stranka Demokratske Akcije
51. Centar Demokratske Unije
52. Kosova Turk Adalet Partisi
53. Bosnjacka Stranka Demokratske Akcija Kosova
54. Lidhja Demokratike e Kosovës
55. Pokret Za Gora
56. SLS
57. KDTP
58. PDK- PD- LB- PSHDK- PK
59. Nisma për Kosovën
60. Lëvizja Grupimi Tradicional Shqiptar