Ljubomir Mariq | Foto: Radio KIM
Mustafa Shkarkon Ministrin Mariq
Ministri i Administrimit të Pushtetit lokal Ljubomir Mariq është shkarkuar sot nga posti që mbante.
Lajmin e ka bërë të ditur me anë të një njoftimi Zyra e Kryeministrit
“Kryeministri i Republikës së Kosovës, Isa Mustafa, ka marrë sot vendim për shkarkimin e Ljubomir Mariq nga detyra e Ministrit të Administrimit të Pushtetit Lokal,” thuhet në njoftim.
Njoftimi tregon se në vend të Mariqit ministre e Adminitrimit të Pushtetit Lokal është emëruar MIrjana Jevtiq, e cila deri më tani ka qenë zëvendësministre e Punës dhe Mirëqenies Sociale.
Në njoftim të Zyrës së Kryeministrit thuhet se “Këto vendime janë marrë me propozimin dhe në konsultim me përfaqësuesit e Listës Serbe në Kuvendin e Kosovës”.
Kjo listë që nga miratimi në Kuvend i Ligjit për “Trepçën” në tetor është larguar nga institucionet.
Zyra në komunikatë nuk jep arsyet e shkarkimit të Mariqit, por tash ish-ministri i Administrimit të Pushtetit Lokal e shoqëroi dje shefin e Zyrës për Kosovën në Qeverinë e Serbisë Marko Gjuriq që hyri në veri të Kosovës ilegalisht, edhe pse i ishte ndaluar hyrja.
Dy zyrtarë policorë janë suspenduar për shkak të mosrespektimit të urdhrit të Qeverisë së Kosovës për ndalimin e Gjuriqit.
http://kallxo.com/dy-suspendime-ne-polici-per-viziten-ilegale-te-gjuriqit-ne-veri/
Ministri Mariq ishte nënshkrues i kërkesës për izolim dhe shkarkim të kryetarit të Leposaviqit Dragan Jabllanoviq.
http://kallxo.com/kerkohet-shkarkimi-kryetarit-te-leposaviqit/
Mariq nuk është i vetmi ministër i shkarkuar i Listës Serbe. Më 2 mars të vitit të kaluar Kryeministri Mustafa njoftoi se nuk është pjesë e kabinetit qeveritar të udhëhequr prej tij ministri i deriatëhershëm për Kthim dhe Komunitete Aleksandar jabllanoviq.
Më 6 janar të 2015-ës Jabllanoviq kishte përdorur fjalë fyese ndaj protestuesve në Gjakovë që nuk kishin lejuar serbët ta vizitonin Kishën Ortodokse në këtë qytet, quke i quajtur ata “egërsira”.
http://kallxo.com/jabllanoviq-largohet-nga-qeveria/