Mjet Shpërthyes në Prizren
14.1.2016 - 20:10
Lajmin për KALLXO.com e bëri të ditur zëdhënësi i Policisë Rajonale të Prizrenit Hazir Berisha.
“Një qytetar nga Prizreni e ka dërguar për rregullim automjetin e tij në një servis dhe mjeshtri duke e shikuar këtë automjet ka zbuluar nën të në pjesën e përparme në drejtim të motorit një mjet shpërthyes të kapur për makine,” tha Berisha për KALLXO.com.
Berisha bëri të ditur se aktualisht deminimin e këtij mjeti është duke e bërë njësiti për deminim.
Policia në një njoftim më pas tregoi se mjeti i ngjitur për makine ishte një granatë dore, ndërsa sipas policisë ekspertët për çmontimin e mjeteve të rrezikshme e kanë shkëputur atë nga makina dhe e kanë marrë me vete.