Komuna e Prishtinës - Foto: Atdhe Mulla
Komuna e Prishtinës bëhet edhe me tri drejtoresha
26.3.2019 - 21:05
Kryetari i Komunës së Prishtinës, Shpend Ahmeti ka njoftuar se ka emëruar tri drejtoresha.
Ahmeti përmes një postimi në ‘Facebook’ ka njoftuar se qeverisjes në Prishtinë i janëbashkuar; Medina Braha, drejtoreshë e Shërbimeve Publike, Blerta Basholli, drejtoreshë e Kulturës dhe Vasilika Zotaj, drejtoreshë e Administratës.
I pari i Prishtinës shtoi se në Komunën e Prishtinës tanimë nga 16 drejtori, 7 apo 44 përqind udhëhiqen nga gratë.
Por, që sipas tij, Medina, Blerta e Vasilika nuk po emërohen vetëm pse janë gra.
“Ato sjellin përgatitje, përvojë dhe zotësi për të udhëhequr dikasteret e përmendura. Gjatë javës do të prezantojmë drejtoret dhe prioritetet e drejtorive sipas planit tonë të premtimeve”, ka shkruar Ahmeti.