Zona te liqeni i Ujmanit - Foto: KALLXO.com
FOTO: KFOR-i tërhiqet nga liqeni i Ujmanit
Forcat e KFOR-it nuk janë më të pranishme te hidrocentrali i liqenit të Ujmanit.
Mospraninë e tyre në këtë zonë e dëshmojnë fotografitë e gazetarit të KALLXO.com, i cili ka vizituar zonën sot pasdite.
Në këtë pjesë, te hidrocentrali i liqenit artificial të Ujmanit, që gjendet në pjesën veriore të Kosovës, të shtunën janë vendosur pjesa më e madhe e ushtarëve amerikanë të KFOR-it që erdhën në këtë zonë.
Shkuarja e KFOR-it në këtë zonë u mendua se kishte të bënte me zhvillimet që priteshin të ndodhnin në veri, por forca paqeruajtëse shumëkombëshe tha se dislokimi në këtë pjesë ishte në kuadër të një stërvitjeje, e planifikuar më parë.
KALLXO.com kishte siguruar pamje ekskluzive të pranisë së forcave amerikane te liqeni dhe hidrocentrali i Ujmanit.
https://kallxo.com/video-patrullimet-e-ushtareve-amerikane-ne-ujman/
Këto janë fotot e bëra sot në vendin ku ishin stacionuar pjesa më e madhe e ushtarëve amerikanë të KFOR-it, e tani nuk është asnjë prej tyre.