Daçiq: Prishtina vështirë të bindet për largimin e masës

Ministri i Punëve të Jashtme të Serbisë, Ivica Daçiq ka komentuar mbledhjen e djeshme të Këshillit të Sigurimit të OKB-së që u mbajt për formimin e ushtrisës së Kosovës.

Ai tha se është shumë e vështirë të bindet Prishtina që t’i largojë masat e saj karshi Serbisë.

I pyetur për të komentuar mbi gjithçka që u diskutua në atë seancë, Daçiq tha se “edhe në qoftë se gjithçka po përmblidhej nuk mund të thonim se kemi dëgjuar diçka të re në lidhje me pozicionet ekzistuese”.

“Por ne e bëmë edhe një herë atë që ishte në vete, vumë re për shkeljen e Rezolutës 1244 duke paralajmëruar për vështirësitë dhe pasojat e mundshme për paqen dhe stabilitetin në rajon dhe i bëmë thirrje bashkësisë ndërkombëtare për të parandaluar masat e Prishtinës dhe i bëri thirrje Prishtinës që ta shpërndajë atë ushtri dhe të tërheqin taksat”, tha Daçiq.

I pyetur për marrëveshjen që Kryeministri i Kosovës Ramush Haradinaj kishte përgatitur për Serbinë Daçiq tha se Haradinaj “mund ta vendosë këtë marrëveshje në sallën e Kuvendit të Kosovës”.