Adem Grabovci Nesër Dëshmon në Gjykimin e Limajt

Grabovci ka qenë zëvendësministër në Ministrinë e Transportit dhe Postë-Telekomunikacionit, të cilën e drejtonte Limaj.

Lajmin se Adem Grabovci do të dëshmojë nesër në gjykimin e Limajt për KALLXO.com e konfirmoi avokati i Limajt, Tahir Rrecaj.

Në faqen zyrtare të EULEX-it paralajmërohet se seanca në gjykimin e Limajt do të ketë më 14, 15 dhe 16 mars.

Në procesin e njëjtë me Limajn për krim të organizuar dhe shpërdorim detyre nga Prokuroria Speciale e Kosovës ngarkohen edhe Nexhat Krasniqi e Endrit Shala. Pjesë e gjykimit janë edhe Shpëtim Telaku dhe Florim Suka.

Akuza ndaj Limajt lidhet me tenderët për mirëmbajtjen e rrugëve në komunën e Gjilanit.

Limaj këtë aktakuzë, që nga EULEX-i quhet e konsoliduar pasi në të janë bashkuar rastet MTPT 1 dhe MTPT 2, më 30 tetor të vitit 2015 e cilësoi të ngritur me urdhër politik.

KALLXO.com në vazhdimësi ka raportuar për gjykimin e Limajt ndërsa raportimet mund t’i gjeni në këtë link.