Ronaldo dënohet me 19 milionë euro për shmangie të taksave
Ylli i futbollit Cristiano Ronaldo ka bërë marrëveshje me një gjykatë spanjolle rreth akuzave për evazion tatimor duke paguar një gjobë prej 18.8 milionë euro, raporton BBC.
Një prani e madhe e mediave e priti ish-futbollistin e Real Madridit jashtë ndërtesës së gjykatës në Madrid, pasi gjykatësi refuzoi kërkesën e tij për t’u paraqitur në seancë përmes një videolinku, ose për të hyrë në gjykatë me veturë, në përpjekje për ta ikur nga vëmendja e gazetarëve.
Marrëveshja e arritur më parë përfshin një burgim prej 23 muajsh.
Por në Spanjë, vuajtja e burgut në dënimet nën dy vjet nuk është e domosdoshme.
Natyra jo e dhunshme e akuzës ndaj Ronaldos nënkupton se ai mund të mos e kalojë kohën prapa grilave.
Paraqitja e tij para gjyqit zgjati pak minuta pasi që Ronaldo pranoi marrëveshjen e ofruar nga prokurorët, raporton BBC.
Lojtari aktual i Juventusit, i cili luajti një ndeshje mbrëmjen e kaluar në ligën italiane, erdhi i buzëqeshur.
Así ha llegado Cristiano Ronaldo a la Audiencia Provincial. De la mano de Georgina, firmando autógrafos y sonriente: “Estoy perfecto” pic.twitter.com/zandMqqMGm
— Rubén Cañizares (@Ruben_Canizares) January 22, 2019