Foto: Juventus/Twitter
Juventus shënon fitore të lehtë ndaj Sassuolos (Foto)
10.2.2019 - 20:42
Juventus është rikthyer te fitoret duke e mposhtur Sassuolon me rezultat të thellë 3-0, si mysafir në kuadër të xhiros së 23-të në Serie A.
Mysafirët kaluan në epërsi në minutën e 23’ me golin e Sami Khediras.
Pjesa e parë u mbyll me rezultatin 1-0.
Në pjesën e dytë “Bianconerët”, i shënuan edhe dy gola.
Së pari Cristiano Ronaldo shënoi me kokë në minutën e 70’ pas një krosimi nga Miralem Pjanic.
Për rezultatin përfundimtar u përkujdes Emre Can në minutën e 86’, ku shënoi një gol të bukur pas asistimit të Cristiano Ronaldos.
Juventus pas kësaj fitore vazhdon sigurt drejt titullit të kampionit, ku tani i ka grumbulluar 63 pikë nga 23 ndeshje, 11 më shumë se Napoli i cili gjendet në vendin e dytë.