Gruaja : Avni Zogiani Refuzon Pasaporten Shqiptare
Avni Zogiani, kandidat i Lëvizjes Vetëvendosje për Kryetar të Komunës së Fushë Kosovës nuk dëshiron të marrë shtetësi të Shqipërisë.
Blerina Zogiani, bashkëshortja e kandidatit me prejardhje nga Shqipëria në intervistën për Debat Pernime zbuloi se burri i saj nuk ka tentuar asnjëherë të sigurojë pasaportë shqiptare.
“Asnjëherë nuk ka aplikuar për nënshtetësi të Shqipërisë, gjithmonë e gjen një arsye të mos aplikojë dhe kjo është sepse ai dëshiron që gjithmonë të prezantohet me pasaportën e tij të Kosovës”, tha Zogiani.
Bashëshortja e Zogianit poashtu tregoi rreth aktivitetit të burrit të saj si gazetar dhe aktivist i shoqërisë civile.
“Avniu ka qenë reporter lufte, ka ndjekur luftën nga afër dhe jo nga zyra”, tha ajo.
Sa i përket pasurisë sipas Zogianit ata posedojnë një shtëpi dhe një veturë.
