Zëvendëskryeministrja Rexhepi takon ambasadorin Hovenier
06.6.2022 - 18:49
Zëvendëskryeministrja Emilia Rexhepi ka pritur në takim ambasadorin e Shteteve të Bashkuara të Amerikës në Kosovë, Jeffrey M. Hovenier.
Siç bëhet e ditur në komunikatën për media, zëvendëskryeministrja ka falënderuar ambasadorin për përkrahjen dhe partneritetin e vazhdueshëm të Shteteve të Bashkuara të Amerikës me Qeverinë e Republikës së Kosovës.
Sipas njoftimit në këtë takim u bisedua për angazhimin e Qeverisë për mbrojtjen dhe avancimin e të drejtave të të gjitha komuniteteve në Kosovë.
Duke shprehur mirënjohjen për bashkëpunimin me Ambasadën e SHBA-së në Kosovë, zëvendëskryeministrja Rexhepi ka thënë se është nder i madh që të shkëmbejmë mendimet për pozitën dhe sfidat e komuniteteve joshumicë në institucionet e Kosovës.