Zbardhet kryeqyteti - FOTO
Kryeqyteti është zgjuar i mbuluar nga bora. Përgjatë gjithë natës ka patur reshje të shiut të cilat më vonë janë zëvëndësuar nga reshjet e borës.
Sipas Institutit Hidrometeorologjik të Kosovës, nga sot deri më 7 prill do të mbajë mot i ndryshueshëm.
Sot parashihet mot kryesisht i vranët dhe me reshje shiu dhe bore.
“Temperaturat do të shënojnë rënie në të dy vlerat ekstreme” – thuhet në njoftim.
Të mërkurën do të mbajë mot me vranësira dhe reshje shiu e bore.
“Temperaturat do të mbesin të ulëta tipike dimerore…” – vazhdon njoftimi.
Ndërsa të enjten parashihet mot kryesisht stabil, me pak vranësira dhe intervale me diell.
“Vranësirat më të fokusuar parashihen për rreth relievit malor. Në vlerat e temperaturave maksimale parashihen rritje të lehta” – theksohet në njoftim.
E premten parashihet mot kryesisht i vranët dhe me kushte për reshje.
“Gjatë kësaj periudhe kohore do të ketë erëra mesatare deri të forta kryesisht nga drejtimi i verilindjes” – përfundon njoftimi.