Foto: KALLXO.com
Vrasje në tentativë në Kaçanik, dy persona theren me thikë
20.12.2020 - 10:59
Dy persona kanë pësuar lëndime trupore pasi janë sulmuar me thikë nga tre persona të tjerë.
Ngjarja e rëndë ka ndodhur në Kaçanik mbrëmë rreth orës 21:10.
Sipas Policisë, dy viktimat kanë pësuar lëndime të rënda trupore.
Ngjarja dyshohet se ka ndodhur pas një konflikti në komunikacion.
Viktimat janë dërguar në spitalin rajonal për tretman mjekësor e më pas njëri prej tyre është transferuar në QKUK Prishtinë ku sipas mjekut gjendja e tij është jashtë rrezikut për jetë.
Të dyshuarit janë ende në arrati.