Vrasja në Klinë, Policia kërkon ndihmën e qytetarëve për lokalizimin e të dyshuarit Tush Frroku
07.8.2023 - 22:29
Policia ka shpallur në kërkim Tush Frrokun, 48-vjeçarin, i cili dyshohet se sot pasdite në një lokal në Klinë e privoi nga jeta një qytetar.
Aktualisht të gjitha njësitet policore, duke përfshirë edhe Njësinë K9, janë në kërkim të të dyshuarit në fshatin e tij Kosh të Istogut e në fshatra të tjerë përreth dhe tutje.
Policia ka vënë edhe disa njësite te shtëpia e tij.
Frroku dyshohet se nën kërcënimin e armës mori një veturë dhe u largua nga vendi i ngjarjes.
Policia po kërkon edhe ndihmën e qytetarëve për lokalizimin e të dyshuarit.
Numrat e telefonit dhe adresat elektronike kontaktuese për të kontaktuar Policinë e Kosovës:
-192 dhe 080019999 (pa pagesë)
-039 432 327-Drejtoria Rajonale Pejë
-E-mail adresa: [email protected]
Vrasja në Klinë, momenti kur i dyshuari qëllon me armë viktimën