(VIDEO) Rrahje në Prishtinë, një person dërgohet në QKUK, tre të tjerë shoqërohen në Polici
28.5.2021 - 23:01
Një rrahje në mes disa personave ka ndodhur para pak minutave në rrugën ‘Fehmi Agani’ në Prishtinë.
Sipas Policisë, një person ka mbetur i lënduar, i cili është dërguar në QKUK për trajtim mjekësor, ndërsa tre persona të tjerë janë shoqëruar në Polici.
“Lidhur me këtë rast policia ka shoqëruar 3 persona të cilët ishin të përfshirë në rast. Aktualisht policia po vazhdon punën për zbardhjen e rrethanave dhe motiveve që karakterizojnë ngjarjen”, ka thënë për KALLXO.com, Flora Ahmeti nga Policia e Kosovës.