Policia/Ilustrim
Vetëm në rajon të Gjilanit shqiptohen 165 fletëparaqitje për mosrespektim të masave kundër COVID-19
Policia e Rajonit të Gjilanit ka njoftuar se dje në shtatë komunat e rajonit të Gjilanit , kanë shqiptuar gjithsej 165 fletëparaqitje për mos respektim të masave ndaj COVID-19
Vetëm në Gjilan janë shqiptuar gjithsej 52 fletë paraqitje që u janë dorëzuar inspektorëve sanitarë ose edhe janë shqiptuar direkt gjatë bashkëveprimit me ta në terren.
“Të gjithë këta persona janë takuar nga policia duke mos e përfillur vendimin e qeverisë”, thuhet në njoftimin e Policisë së Rajonit të Gjilanit.
Rastet e evidentuara nëpër komunat e Drejtoriaë Rajonale të Policisë në Gjilan janë:
Në Komunën e Gjilanit 52 fletëparaqitje, në Komunën e Kamenicës 28 fletëparaqitje, Komuna e Vitisë 15, Komuna e Kllokotit 14 .
“Në tetë raste të veçanta Policia e Kosovës po ashtu ka asistuar inspektorët sanitarë Komunal, vlen të ceket se në dy raste të veçanta në komunën e Gjilanit janë mbyllur dy lokale hoteliere të cilat janë takuar duke mos i përmbush masat e kërkuara nga ana e Qeverisë së Kosovës Anti COVID- 19”, thuhet tutje në njoftim.
Policia e Kosovës ka apeluar te qytetarët që t’i respektojnë me përpikëri masat e ndërmarra nga ana e Qeverisë.