"Trafiku Urban" njofton për ndërprerje të përkohshme të linjës 3B

Ndërmarrja “Trafiku Urban” ka njoftuar se nga sot, linja 3B – Bërnicë e Ulët do të ndërpritet përkohësisht për shkak të punimeve që kanë filluar në rrugë.

Ndërsa për linjën 3, autobusët e kësaj linje do të qarkullojnë në nisje dhe kthim në drejtimin e rrugës së xhamisë të fshatit Bardhosh.

Në njoftimin në Facebook, kjo ndërmarrje po ashtu ka bërë të ditur se orari i qarkullimit për këtë linjë do të jetë i njëjti nga ora 06:00 – 24:00.

Ndërmarrja ka kërkuar mirëkuptimin e banorëve për pamundësinë e ofrimit të shërbimeve sipas rendit të udhëtimit të rregullt.