Skema e testeve PCR të falsifikuara
21.4.2021 - 17:25
Hulumtimi i sotëm i “Kallxo Pernime” zbardh skemën e falsifikimeve të testeve PCR për COVID-19
Pronarë laboratorësh dhe mërgimtarë rrëfejnë për rastet kur janë zbuluar teste të falsifikuara.
Gjatë emisionit ekspertë të sistemit të drejtësisë kanë shpjeguar pasojat e falsifikimit të testeve duke treguar se shumë mërgimtarë rrezikojnë të humbin vizat nëse zihen me teste të falsifikuara.
Në intervista, zyrtarët nga Instituti i Shëndetit Publik tregojnë poashtu për rastet kur instituti ka zbuluar teste të falsifikuara.
Emisioni trajton edhe vendimin e IKShPK-së me të cilin është ndaluar kryerja e testeve PCR për qytetarët të cilët dëshirojnë të udhëtojnë.
Hulumtimi transmetohet sonte nga ora 22:15 në RTV Dukagjini dhe në KALLXO.com.
