Glynn Simmons, Foto: NEWS9, Oklahoma City KWTV
SHBA: Gjykata e Oklahomas e shfajëson të burgosurin pas 48 vitesh burg
Një gjyqtare i Oklahomës e ka shfajësuar një burrë që ishte në burg për gati gjysmë shekulli për një vrasje në vitin 1974, dënimi më i gjatë i gabuar që është mbajtur në SHBA.
Glynn Simmons, 70 vjeç, u lirua në korrik kur një gjykatës urdhëroi një gjyq të ri ndaj tij.
Mirëpo, një prokuror i qarkut tha të hënën se nuk kishte prova të mjaftueshme për ta garantuar një të tillë.
Me një urdhër të martën, gjyqtarja e qarkut të Oklahomas, Amy Palumbo e shpalli Simmons të pafajshëm.
“Kjo gjykatë gjen me prova të qarta dhe bindëse se vepra për të cilën Simmons u dënua dhe u burgos… nuk ishte kryer nga Simmons” – ka thënë ajo në një vendim.
Simmons kishte vuajtur 48 vjet, një muaj e 18 ditë burg për vrasjen e Carolyn Sue Rogers gjatë një grabitjeje në një dyqan pijesh alkoolike në periferi të Oklahoma City. Kjo e bën atë të burgosurin më jetëgjatë që është liruar, sipas Regjistrit Kombëtar të Shfajësimeve.
Simmons ishte 22 vjeç kur ai dhe një i pandehur tjetër, Don Roberts, u gjetën fajtorë dhe u dënuan me vdekje në vitin 1975.
Dënimet më vonë u reduktuan në burgim të përjetshëm për shkak të vendimeve të Gjykatës së Lartë të SHBA-së për dënimin me vdekje.
Simmons kishte thënë se ishte në shtetin e tij të lindjes, Luiziana në kohën e vrasjes.
Një gjykatë e qarkut e liroi në korrik pasi konstatoi se prokurorët nuk ia kishin dorëzuar të gjitha provat avokatëve mbrojtës, duke përfshirë se një dëshmitar kishte identifikuar të dyshuar të tjerë.
Simmons dhe Roberts u dënuan pjesërisht për shkak të dëshmisë nga një adoleshent që ishte qëlluar në pjesën e pasme të kokës. Adoleshenti tregoi me gisht disa burra të tjerë gjatë rreshtimit të policisë.
Personat e dënuar gabimisht që shërbejnë në Oklahoma kanë të drejtë për kompensim deri në 175 mijë dollarë.
Simmons aktualisht po lufton me kancerin e mëlçisë, sipas GoFundMe, i cili ka mbledhur mijëra dollarë për të ndihmuar në shpenzimet e tij të jetesës dhe kimioterapisë./BBC
Përgatiti: Nuhi Shala