ShBA do t’i mirëpresë 100,000 ukrainas

Shtetet e Bashkuara do t’i mirëpresin deri në 100,000 ukrainas dhe të tjerë që po ikin nga agresioni i Rusisë, njoftoi të enjten një zyrtar i lartë i administratës.

“Për ta përmbushur këtë angazhim, ne po shqyrtojmë gamën e plotë të rrugëve ligjore për në Shtetet e Bashkuara,” tha zyrtari, i cili përfshin programin e pranimit të refugjatëve në SHBA, lirimin me kusht dhe vizat imigruese dhe joemigruese.

Zyrtari në fjalë tha se Shtëpia e Bardhë nuk do të duhet t’i kërkojë Kongresit ta zgjerojë kufirin aktual për refugjatët vjetorë – i cili aktualisht është vendosur në 125,000 për vitin fiskal 2022 – sepse është më shumë një “angazhim afatgjatë” dhe do të ketë rrugë të tjera për të hyrë në Shtetet e Bashkuara për shumë nga ata ukrainas.

“Ne kemi ende një kapacitet të konsiderueshëm brenda 125,000, kështu që aktualisht nuk parashikojmë nevojën për të dalë përtej kësaj,” tha zyrtari.

Zyrtari tha se administrata po punon për të zgjeruar dhe zhvilluar programe të reja me “një fokus në mirëpritjen e ukrainasve që kanë anëtarë të familjes në Shtetet e Bashkuara”.

Do të vihet theksi në mbrojtjen e grupeve më të cenueshme në mesin e popullatës refugjate, duke përfshirë anëtarët e komunitetit LGBTQI+, ata me nevoja mjekësore, gazetarët dhe shtetasit e vendeve të treta.

“Duke hapur vendin tonë ndaj këtyre individëve, ne do të ndihmojmë në lehtësimin e një pjese të presionit mbi vendet pritëse evropiane që aktualisht po mbajnë aq shumë përgjegjësi”, shtoi zyrtari./CNN