Raporti i Progresit: Kosova shënon progres në zbatimin e agjendës së reformave evropiane

Komisioni Evropian ka vlerësuar se Kosova ka shënuar progres në përmbushjen e reformave të agjendë evropiane.

Në raportin e progresit për vitin 2022, KE ka vlerësuar se stabiliteti politik dhe institucional ka bërë që të ketë mjedis për progres në këtë drejtim.

“Në këtë kontekst, u arrit ca progres në miratimin dhe zbatimin e lidhur me BE-në reformat. Kosova miratoi Programin Kombëtar për Zbatimin e Stabilizimit dhe Marrëveshja e Asociimit dhe Plani i Veprimit II Agjenda e Reformës Evropiane (ERA)” – thuhet në raport.

Po ashtu në këtë raport, Komisioni ka vlerësuar se Kosova përgjatë kësaj periudhe i ka forcuar edhe mekanizmat e raportimit.

“Kosova ka forcuar kapacitetet e saj për të koordinuar zbatimin e zotimeve dhe detyrimet që dalin nga Marrëveshja e Stabilizim Asociimit (MSA) dhe ERA II, dhe ka përmirësuar mekanizmat e raportimit” -thuhet në raport.

Komisioni po ashtu ka rekomanduar që për të pasur më shumë progres në zbatimin e reformave të agjendës evropiane, qeveria të ia delegoj disa kompetenca ministrive.

“Për të ndjekur reformat në mënyrë më efektive, është thelbësore që qeveria bazohet në arritjet ekzistuese, siguron mbështetje ndërpartiake për reformat dhe decentralizon procesin e vendimmarrjes duke i deleguar më shumë përgjegjësi linjës ministrive” – thuhet në raport.

Sipas Komisionit, Kosova duhet ta shfrytëzojë periudhën pa zgjedhje të rregullta për të përmbushur obligimet e saj nën MSA dhe ERA II.

Në raportin e vitit të kaluar, Kosova ishte kritikuar për moszbatimin e reformave për shkak të jostabilitetit politik dhe zgjedhjeve të shpeshta.

Prioritetet e ERA II janë negociuar nga Qeveria e Republikës së Kosovës dhe Komisioni Evropian dhe janë lansuar nga Kryeministri dhe Komisioneri për Politika të Fqinjësisë dhe Zgjerimit. Ato do të zbatohen përmes këtij plani 2-vjeçar të veprimit.