Qytetari në karrocë proteston para KEDS në Gjilan pas ndaljes së energjisë elektrike
29.1.2021 - 17:17
Një qytetar me aftësi të kufizuara ka protestuar gjatë ditës së sotme para objektit të KEDS në Gjilan.
Në redaksinë e KALLXO.com, një qytetar ka dërguar fotografi, ku shihet qytetari në karrocën invalidore duke protestuar e duke bllokuar hyrjen në objekt.
KALLXO.com ka mësuar se qytetari ka protestuar pasi KEDS i ka ndaluar energjinë elektrike në shtëpinë e tij.
Në vendin e ngjarjes shihet se është edhe njësia e policisë, të cilët po merren me rastin.