Stema e LDK-së - Foto: Facebook

Qëndrimi i Forumit ë Gruas së LDK-së për gjuhën e Agim Veliut ndaj Vjosa Osmanit

Lirije Kajtazi nga Forumi i Gruas së LDK-së ka deklaruar se e dënojnë çdo gjuhë fyese, pa marrë parasysh se nga kush vjen ajo.

Këtë deklaratë Kajtazi e ka dhënë për Kallxo, kur është pyetur lidhur me deklarimet e nënkryetarit të LDK-së Agim Veliu, ndaj u. d. presidentes Vjosa Osmani.

Kajtazi ka thënë për Kallxo.com se “Forumi i Gruas dënon çdo gjuhë fyese, pavarësisht se nga kush përdoret, dhe në çdo rast edhe kur ju media jeni bërë se nuk dëgjoni”.

Gjatë ditës së sotme Veliu, për Periskopin ka thënë, se Vjosa Osmani është “e gjerë”  dhe i duhet hapësirë për të qëndruar në LDK.

Ndaj kësaj deklarate ka pasur edhe reagime të tjera.

Ish- deputeti i Kuvendit të Kosovës Visar Ymeri, ka komentuar deklaratën e nënkryetarit të LDK-së, Agim Veliu, duke e cilësuar jashtëzakonisht të pahijshme dhe thelbësisht të papranueshme.

Këto deklarime kanë rrjedhur pas deklaratës së Osmanit, në ‘KALLXO Përnime’, ku kishte folur për mundësinë e kthimit në LDK.

Vjosa Osmani tregon a do të kthehet në LDK nëse largohet kryesia e kësaj partie