Përveç Karaçevës, mbrëmë u zhvillua aksion edhe në Prishtinë
Disa orë pas një aksioni që zgjati tërë natën në Karaçevë të Kamenicës, Prokuroria e Gjilanit organizoi konferencë për të treguar bilancin e arrestimeve në aksionin për shkatërrimin e kazinove ilegale.
Major Zejnullah Surdulli ka thënë se mbrëmë janë zhvilluar dy operacione në të njëjtën kohë për organizimin e skemave piramidale.
Sipas Surdullit këto aksione kanë rezultuar me dhjetëra të arrestuar
“Operacioni ka pasur për qëllim thyerjen e skemave piramidale, lokacioneve të dyshuara për prostitucion etj, Janë arrestuar 7 persona fizik, klientë të kë tyre kazinove dhe ndaj tyre do të zhvillohen procedura të rregullta. Janë konfiskuar 220 aparate, 6 shtëpiza kompjuteri, 1 armë me gas, 1 kallashnikov, 1 kombi me kafshë të kontrabanduara dhe janë shkatë rruar 13 objekte. Operacioni tjetër në Prishtinë, ku janë zhvilluar katër bastisje në kohë të njëjtë ku janë konfiskuar prova dhe gjësende dhe shuma e mjeteve të konfiskuara është 3950 euro dhe në mesin e personave të ndaluar janë tre të tillë ”, ka thënë Surdulli në konferencë .
Operacioni u zhvillua mbrëmë dhe ishte i organizuar nga Prokuroria e Gjilanit së bashku me Inspektoratin Policor të Kosovës dhe Policisë së Kosovës, të cilët kanë konfiskuar qindra aparate të kazinove ndërsa prapa kanë lënë 12 objekte të rrënuara.
Operacioni i Karaçevës- Policët me uniformë arrestohen nga kolegët