Foto: Ilustrim
Prishtinë, rrokulliset makina, tre persona të lënduar
14.11.2020 - 20:01
Një makinë është rrokullisur sot rreth orës 19:15 në rrugën “Luan Haradinaj”, në Prishtinë.
Sipas Bajram Krasniqit, nga zyra për informim e Policisë e përfshirë ka qenë vetëm një veturë, kurse janë lënduar tre persona.
“Në ora 19:15, policia është njoftuar për një aksident trafiku në rrugën ‘Luan Haradinaj’ në Prishtinë. E përfshirë është vetëm një veturë, tre persona janë dërguar për tretman mjekësor,” ka thënë Krasniqi.
Njësitet policore po merren me shkaqet e aksidentit.