Prishtinë, anulohen të gjitha fluturimet nga veriu i Italisë

Autoritetet e Kosovës kanë marrë vendim për të anulimin e përkohshëm të të gjitha fluturimeve që vijnë nga zona në veri të Italisë, e goditur rëndë nga coronavirusi.

16 milionë qytetarë në veri të Italisë janë futur në karantinë si pasojë e koronavirusit.

Lajmin e ka bërë të ditur ministri i Infrastrukturës, Lumir Abdixhiku.

Vendimi vjen pas rekomandimit emergjent nga Instituti Kombëtar i Shëndetësisë për anulimin e të gjitha fluturimeve që vijnë nga zonat epidemike të Italisë së Veriut – si reflekcion i karantinës së vendosur nga qeveria italiane në betejën kundër Coronavirusit.

Ky është postimi i plotë i ministrit Abdixhiku:

“Sot, në ora 12:40 kemi pranuar rekomandim emergjent nga Instituti Kombëtar i Shëndetësisë për anulimin e të gjitha fluturimeve që vijnë nga zonat epidemike të Italisë së Veriut – si reflekcion i karantinës së vendosur nga qeveria italiane në betejën kundër Coronavirusit.

Si rrjedhojë, kam kërkuar anulimin e përkohshëm të të gjitha fluturimeve që vijnë nga kjo zonë epidemike e cilësuar si zonë me risk tē lartë. Fluturimet janë ndërprerë.

Ndjejmë keqardhje për masat e marra – por në situatën e tanishme nuk kemi alternativë. Jam në kontakt të ngushtë me Ministrin e Shëndetësisë Vitia dhe me Ministrin e Punëve të Jashtme Konjufca për të koordinuar kontrollin ne Aeroport dhe asistencën eventuale ndaj udhëtarëve në zonat e rrezikshmërisë së lartë.”