Ilustrim Foto: Afrim Ejupi / KALLXO.com
Policia gjen kamionetën e vjedhur në komunën e Skenderajt
04.12.2023 - 10:30
Policia e Kosovës ka gjetur një kamionetë të cilën e kishte raportuar si të vjedhur më 3 dhjetor një burrë nga fshati Rezallë e Re e Skenderajt.
Më 3 dhjetor, zyrtarët policorë kanë hasur se persona të dyshuar kanë vozitur kamionetën e cila kishte të ngarkuar një traktor.
“Të dyshuarit, kanë braktisur kamionetën dhe janë larguar në drejtim të panjohur, ndërsa kamioneta i është kthyer pronarit” – thuhet në njoftimin e Policisë.
Më tej, rasti është duke vazhduar në hetime.