Përmet, arrestohet i dyshuari për keqtrajtim të shqiponjës
Policia e Shqipërisë ka njoftuar se është identifikuar dhe arrestuar autori i keqtrajtimit të shpendit (shqiponjë), në Përmet.
Sipas njoftimit, i dyshuari është N. A., 35-vjeç, banues në Përmet.
Tutje Policia njofton se gjatë kontrollit të ushtruar në banesën e tij, shërbimet e Policisë kanë gjetur 2 sorkadhe të cilat ky shtetas ka deklaruar se i ka vrarë me armë gjahu dy ditë më parë.
Materialet procedurale, sipas njoftimit të Policisë, i kanë kaluar Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.
Shqiponja është shpëtuar dje nga Policia e Shtetit.
Në pamjet e publikuara në Facebook, shihet se shqiponja ishte lidhur në portë.
Shqipëri, policia shpëton një shqiponjë që ishte keqtrajtuar e lidhur në portë – VIDEO