PDK sot mbledh Këshillin drejtues të partisë, pritet zgjedhja e kryesisë së re
05.8.2021 - 09:53
Partia Demokratike e Kosovës (PDK) do të mbledh sot Këshillin Drejtues, për të zgjedhur Kryesinë e re të partisë.
Këtë e ka konfirmuar për KALLXO.com Betim Gjoshi nga PDK-ja.
Ai tha se Këshilli do të mblidhet nga ora 16:00.
I pyetur rreth përbërjes së kryesisë së re dhe nëse do të ketë emra të rinj, Gjoshi tha se këtë e di vetëm kryetari i PDK-së, Memli Krasniqi.
“Veç kryetari e din, ai është merr ekskluzivisht me këtë punë”, tha ai për KALLXO.com.
Memli Krasniqi është zgjedhur kryetar i ri i Partisë Demokratike të Kosovës, më 3 korrik të këtij viti.