Moti sot në Kosovë

Gjatë ditës së sotme temperaturat pritet të jenë të larta duke shkuar ndërmjet 32-38 gradë.

Sipas Institutit Hidrometeorologjik të Kosovës, do të mbajë mot me diell dhe vranësira të shpërndara kryesisht përgjatë relievit malor. Temperaturat do të shënojnë rritje të lehta, në orët e mesditës. Minimalet do të lëvizin ndërmjet 11-15 gradë Celsius, ndërsa maksimalet e ditës parashihen të lëvizin ndërmjet 32-38 gradë Celsius.

Në raportin e IHMK-së, për shkak se indeksi UV vazhdon ti mbajë vlerat e larta, këshillohet shmangia e kontaktit direkt me rrezet e diellit, në intervalin kohorë 10-17, (konsumo ujë, jo edhe lëngje të gazuar dhe me sheqer, bartë masa mbrojtëse, syze, kapelë, rroba të pambukta me ngjyra të lehta. Të moshuarit dhe rastet me sëmundje kronike të qëndrojnë në ambiente të freskëta dhe të ajrosura mirë). Do të fryjë erë kryesisht nga verilindja e lehtë deri mesatare.

“Të dielën parashihet rënie të lehta të temperaturave maksimale pasi ka mundësi që vende-vende të ketë riga shiu të përcjella me shkarkime rrufesh”, thuhet në njoftimin e IHMK-së.