Ministrja Haxhiu: Republika e Kosovës fiton në Arbitrazhin ndërkombëtar kundër Blerim Devollit

Ministrja e Drejtësisë, Albulena Haxhiu, ka njoftuar se Republika e Kosovës ka fituar në Arbitrazhin ndërkombëtar kundër Blerim Devollit.

Sipas ministres, me këtë fitore, vlera që Ministria e Drejtësisë, përmes Avokaturës Shtetërore i shpëtoi Republikës së Kosovës në Arbitrazhin ndërkombëtar në 3 rastet e fundit është 145 milionë euro.

“Me fitoren e këtij rasti, vlera që Ministria e Drejtësisë, përmes Avokaturës Shtetërore i shpëtoi Republikës së Kosovës në Arbitrazhin ndërkombëtar është 145 milion euro (3 rastet e fundit) Falënderoj ekipin e Avokaturës Shtetërore dhe kompaninë SPB për punën profesionale e bashkëpunimin e mire” – ka shkruar ministrja Haxhiu në Facebook.