Foto: Ilustrim
Masat e reja, ndalohen vizitat për të burgosurit
29.8.2021 - 11:32
Shërbimi Korrektues i Kosovës ka njoftuar se si shkak i situatës së krijuar me pandeminë COVID-19 kanë vendosur disa masa të reja të cilat do të vlejnë nga data 31 gusht deri më 15 shtator.
Këto masa janë:
- Ndalimin e përkohshëm të gjitha vizitave familjare për të burgosurit në Institucionet Korrektuese;
- Ndalimin e të gjitha vikendeve në shtëpi për të dënuarit;
- Ndalimin e punës për të dënuarit jashtë Institucioneve Korrektuese;
- Ndalimin e vizitave në lokalet e veçanta;
- Aplikimin e sistemit virtual të komunikimit SKYP për të burgosur për të zhvilluar kontaktet me familjet, sipas rutinës së përcktuar nga Institucioni;
- Lejimin e numrit të shtuar të thirrjeve telefonike gjatë kësaj periudhe;
- Kufizimi i transferimeve të burgosurve (vetëm rastet e domosdoshme);
- Lejimin e kontaktit të të paraburgosurve me mbrojtësit e tyre për rastet që janë në zhvillim, me masat e parapara në urdhërin parapark;
- Masat e ndërmarra me urdhërin operativ të datës 20.08.2021, të cilat nuk bijnë ndesh me këtë urdhër mbesin në fuqi.
SHKK ka njoftuar se përjashtim nga ky urdhër bëjnë Instituconi i Avokatit të Popullit dhe organizatat që bëjnë monitorimin e të drejtave të njeriut, me të cilat Ministria e Drejtësisë dhe SHKK ka marrëvshje mirëkuptimi.