Komuna e Shtimes - Foto: KALLXO.com
Komuna e Shtimes liron oborrin e shkollës për makina të bashkatdhetarëve
14.7.2023 - 16:46
Komuna e Shtimes ka liruar oborrin e shkollës fillore “Emin Duraku” për parking të automjeteve të bashkatdhetarëve.
Përmes një njoftimi komunave ka potencuar se ky vendim vlen nga dita e sotme.
“Duke pasur parasysh ardhjen e bashkatdhetarëve, Drejtoria Komunale e Arsimit nga sot liron oborrin e shkollës fillore “Emin Duraku” në Shtime për parking të automjeteve të tyre”- thuhet në njoftim.
Me ardhjen e diasporës gjatë sezonit veror shumë komuna zgjasin po ashtu edhe orarin në sportelet e gjendjes civile.