Istog, hajnat i hynë në shtëpi, gjuajnë me armë gjatë ikjes

Një banor i fshatit Dubravë e Vogël të Istogut ka njoftuar Policinë se dy persona të panjohur kanë hyrë në shtëpinë e tij, ku kanë vjedhur një çantë në të cilën kishte dokumente personale dhe para të gatshme.

Sipas ankuesit, hajnat porsa e kanë vërejtur atë gjatë ikjes jashtë rrethojës së shtëpisë kanë shtënë me armë zjarri.

Ata janë larguar në drejtim të panjohur.

Nuk raportohet për të lënduar.

Rasti ka ndodhur të premten rreth orës 21:50.