“Hyrjet e shtetasve shqiptarë dhe të huaj në territorin shqiptar, në muajin maj 2023, janë 1,230,165. Ky tregues rezulton me një rritje 14,5%, krahasuar me maj 2022. Daljet e shtetasve shqiptarë dhe të huaj nga territori i Shqipërisë, gjatë muajit maj 2023, janë 1,120,387, duke shënuar një rënie me 0,1%, krahasuar me të njëjtën periudhë të një viti më parë” – thuhet në publikim.
Ecuria e mirë e turizmit gjatë këtij viti është konfirmuar edhe nga bizneset të cilët kanë pritshmëri se ky do të jetë një vit edhe më i mirë sesa viti 2022, që ishte viti historik me shifrat më të larta sa i takon vizitorëve.
Kjo lidhet me faktin që ka një rritje të turistëve me grupe të organizuara sidomos nga Polonia dhe Spanja por edhe të turistëve individualë nga e gjithë Europa.
Udhëtimet e shqiptarëve jashtë vendit
Shqiptarët kanë udhëtuar më pak gjatë majit të këtij viti.
“Daljet e shtetasve shqiptarë nga territori i Shqipërisë, gjatë muajit maj 2023 janë 490,041. Krahasuar me maj 2022, ky tregues ka rënë me 5,3%. Daljet e shtetasve të huaj nga territori i Shqipërisë gjatë muajit maj 2023, janë 630,346.
Krahasuar me maj 2022, ky tregues është rritur me 4,4%. Numri i shtetasve shqiptarë të dalë nga territori i Shqipërisë gjatë pesëmujorit të parë 2023, është 2,447,719, duke u rritur me 21,1%, krahasuar me të njëjtën periudhë të një viti më parë“ thuhet në publikimin e INSTAT./Telegrafi
