Policia e Kosovës në aksion - Foto: KALLXO.com
Inspektorati i Tregut, Dogana e Policia me aksion në Prishtinë, sekuestrojnë mjaltë e shamponë pa origjinë
Policia e Kosovës në koordinim e bashkëpunim edhe me Inspektoratin e Tregut nga Ministrisë përkatëse dhe njësitet e doganës dje kanë realizuar një aksion në Prishtinë.
Gjatë këtij operacioni policor në një subjekt biznesi kanë gjetur e sekuestruar një sasi të konsiderueshme të mallrave.
Në raportin e PK-së është thënë se kanë sekuestruar suplemente të ndryshme si mjaltë për përdorime të ndryshme për potencë e të ngjashme, shamponë të ndryshëm e të tjera, të cilat dyshohet se janë pa origjinë.
Ngjarja sipas Policisë ka ndodhur në Prishtinë më 5 dhjetor, përderisa aksioni policor është kryer dje.
PK tha se lidhur me rastin është intervistuar një i dyshuari, i cili më pas është liruar në procedurë të rregullt.
Rasti, i cili është në hetime është iniciuar si “Kontrabandë me mallra”.