Foto: Urim Krasniqi/KALLXO.com
Haradinaj propozon që fushata për zgjedhjet lokale të shkurtohet në 5 ditë
Kryetari i Aleancës për Ardhmërinë e Kosovës(AAK), Ramush Haradinaj, i është përgjigjur kërkesës së kryetarit të LDK-së, Lumir Abdixhiku, pasi ky i fundit kërkoj që fushata zgjedhore për zgjedhjet lokale të shkurtohet në 10 ditë.
Haradinaj, përmes një letre dërguar Abdixhikut, ka thënë se qëndrimi i AAK-së, është që fushata të shkurtohet edhe më shumë, në 5 ditë.
“Qëndrimi i AAK-së, duke marrë parasysh gjendjen e rëndë me pandeminë, është që fushata të shkurtohet në vetëm 5 ditë e jo në 10. Shëndeti i qytetarëve mbi të gjitha”, ka shkruar në ‘Facebook’, kreu i AAK-së.
Kryetari i Lidhjes Demokratike të Kosovës Lumir Abdixhiku, u ka bërë ftesë publike liderëve të partive parlamentare Albin Kurtit lideri i Lëvizjes Vetëvendosje, Memli Krasniqi, lider i Partisë Demokratike të Kosovës dhe liderit të Aleancës për Ardhmërinë e Kosovës Ramush Haradinaj, që të shkurtojnë fushatën zgjedhore nga 30 në 10 ditë, për shkak të situatës me pandeminë.
Abdixhiku i fton liderët e partive politike që ta shkurtojnë fushatën