E konfirmuar: Dy vëllezër nga Gjilani të vdekur nga tërmeti në Durrës
Dy vëllezër nga Gjilani janë gjetur të vdekur nën rrënojat e një hoteli në Durrës, i shembur nga tërmeti tragjik.
Kështu ka bërë të ditur kryetari i Komunës së Gjilanit, Lutfi Haziri.
“Gjatë kërkimit në gërmadha pas tërmetit në Shqipëri, fatkeqësisht është konfirmuar se dy vëllezërit nga Gjilani kanë vdekur si pasojë e shembjes së një hoteli në Durrës. Lutem për shpirtin e tyre. Në këto momente, Komuna e Gjilanit e bashkëndien dhembjen me familjen e të viktimave, Shemsi e Isa Abazi dhe do t’iu qëndrojë pranë. Ngushëllimet më të sinqerta. Zoti ua lehtësoftë dhembjen”, thuhet në njoftimin e tij në rrjetin social ‘Facebook’.
KALLXO.com raportoi disa minuta më parë se një kosovar nga Gjilani është gjetur pa shenja jeta në gërmadhat në një hotel të Durrësit.
