Flamuri serb
Digjet një flamur serb në Rahovec, Policia po heton rastin
14.11.2023 - 10:29
Policia e Kosovës dje gjatë ditës ka pranuar një informatë se në fshatin Hoqë e Madhe në Rahovec është djegur një flamur.
Menjëherë pas kësaj, ekipet e nevojshme policore kanë dal në vendin e ngjarës dhe kanë vërejtur se në hyrje të fshatit te pllaka përkujtimore, nga persona të panjohur është djegur pjesërisht një flamur i shtetit serb.
Ngjarja është thënë se ka ndodhur rreth orës 11:20.
Policia ka thënë se lidhur me rastin e iniciuar si “Nxitje e përçarjes dhe mos durimit” është informuar edhe prokurori, ndërsa njësitet policore janë duke hetuar rastin.