Deputetja e LDK-së: Djali im ka qenë i infektuar me COVID-19
13.7.2020 - 22:32
Deputetja nga radhët e LDK-së, Valentina Bunjaku-Rexhepi, në seancën e sotme të Kuvendit ku u diskutua për menaxhimin e pandemisë, tha se djali i saj ka qenë i prekur me coronavirus.
“Edhe unë si familje e kam pasë djalin të prekur dhe aspak nuk është e lehtë që të përballet një familjar apo e tërë familja me këtë coronavirus”, tha ajo, duke mos treguar nëse edhe ajo është testuar për COVID-19.
Deputetja kërkoi që të shqyrtohet dhe miratohet Projektligji për luftimin e pandemisë.
Disa deputetë të LDK-së janë konfirmuar me coronavirus, si dhe kryetari i partisë Isa Mustafa.