Bastisjet në Kosovë, Zyra e Prokurorit të Specializuar jep detaje
Zyra e Prokurorit të Specializuar (ZPS) është duke kryer në vazhdimësi bastisje-operacione në Kosovë.
Këtë për KALLXO.com e ka konfirmuar zëdhënësi i ZPS-së, Christopher Bennet.
“ZPS po kryen operacione në vazhdimësi dhe nuk ka asnjë koment të mëtejshëm” – është shprehur Bennett në një përgjigje zyrtare.
Faton Klinaku nga Organizata e Veteranëve të Luftës së Ushtrisë Çlirimtare të Kosovës (UÇK), ka informuar se aksionet e bastisjeve nga ZPS po vazhdojnë.
Ish-komandanti “Cali” në dhjetor të vitit 2022 u dënua me 26 vjet burgim, ndërsa rasti i tij aktualisht është duke u trajtuar në Apel, dhe vendimi do të shpallet pas një jave, më 14 dhjetor.
“Sapo u informova se specialja ka filluar sërish bastisje në shtëpinë e bashkëluftëtarit të Calit, Behar Berisha” – tha Klinaku.
Edhe në shtator shtëpia e Behar Berishës kishte qenë cak i bastisjeve.