Arrin në 561 numri i të shëruarve nga COVID-19 në Kosovë
07.5.2020 - 20:15
Instituti Kombëtar i Shëndetësisë Publike (IKShPK) ka njoftuar se sot nga 194 mostra të marra nga Klinika Infektive, vetëm një është konfirmuar pozitiv me coronavirus.
Po ashtu në njoftim bëhet e ditur se sot janë shëruar edhe 28 pacientë, duke e rritur numrin e të shëruarve në 561, ndërsa rastet aktive janë 273.
“Sot më 07 maj 2020, janë shëruar 28 pacientë, bazuar në rekomandimet e OBSH-së ku dy mostra rezultojnë negative me së paku një ditë distancë kohore. Numri i përgjithshëm i të shëruarve deri më sot është gjithsej 561 raste”, thuhet në njoftimin e IKShPK-së.
Ndërsa në total numri i të prekurve me COVID-19 në Kosovë është 861, kurse 27 kanë vdekur.