Arrestohet prindi që dyshohet se ushtroi dhunë ndaj tre fëmijëve të tij
28.6.2021 - 12:26
Policia e Kosovës ka arrestuar të shtunën një person i cili dyshohet se ka ushtruar dhunë në familje.
Policia njofton se i arrestuari, mashkull kosovar dyshohet se ka ushtruar dhunë ndaj tre fëmijëve të tij.
“Është arrestuar i dyshuari mashkull kosovar pasi që i njëjti ka ushtruar dhunë fizike ndaj tre fëmijëve të tij meshkuj kosovarë”, thuhet në njoftimin e policisë.
Sipas policisë nuk raportohet për të lënduar, ndërsa rasti ka ndodhur në qytetin e Vitisë.
“Me vendim të prokurorit i dyshuari është dërguar në mbajtje”, thuhet tutje në raportin 24 orësh të Policisë së Kosovës.