Ilustrim
Arrestohet një burrë në Rahovec, dyshohet se dhunoi seksualisht një vajzë të mitur
14.6.2023 - 10:52
Një burrë në Rahovec është arrestuar nën dyshimin se ka dhunuar seksualisht një vajzë të mitur.
Rasti në fjalë dyshohet se ka ndodhur në mbrëmjen e 8 qershorit të këtij viti, rreth orës 22:00, përderisa për ngjarjen policia ka njoftuar në raportin e sotëm 24-orësh.
Policia ka njoftuar se në lidhje me rastin është konsultuar prokurori i shtetit, me vendim të së cilit i dyshuari pas intervistimit është dërguar në mbajtje.
“Është arrestuar i dyshuari mashkull kosovar nën dyshimin se ka kryer marrëdhënie seksuale pa pëlqimin e viktimës, me viktimën femër kosovare- e mitur. Në lidhje me rastin është konsultuar prokurori i shtetit, me vendim të së cilit i dyshuari pas intervistimit është dërguar në mbajtje”- thuhet në raportin e Policisë.