Ilustrim
Arrestohet 22-vjeçari që lëvizte me armë rrugëve të një fshati të Vlorës
26.10.2020 - 21:57
Forcat policore të komisariatit të Vlorës dhe ato të stacionit të Selenicës, në bashkëpunim me forcën e posaçme “Shqiponjat”, kanë arrestuar shtetasin R.M., 22-vjeç, i cili po lëvizte me armë zjarri me vete në fshatin Kotë.
Siç njofton Policia e Shtetit, 22-vjeçari sapo ka parë shërbimet e Policisë ka fshehur armën dhe është larguar me shpejtësi, por është kapur falë reagimit në kohë e me profesionalizëm nga shërbimet e Policisë.
R.M. po dyshohet për veprën penale – armëmbajtje pa leje.
Në cilësinë e provës materiale u sekuestrua arma e zjarrit – pushkë.
Strukturat hetimore të DVP Vlorë, nën drejtimin e Prokurorisë, vijojnë punën intensive për zbardhjen e qëllimit që kishte personi që qarkullonte me armë zjarri me vete.